ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | សម្តេចតេជោ ហ៊ុន សែន ជំរុញ​កិច្ច​សហប្រតិបត្តិការ​អាស៊ាន​ឲ្យ​កាន់​តែ​ខ្លាំង​ចំ​ពេល​មាន​បញ្ហា​ប្រឈម​ជា​សាកល | កម្ពុជា និងឥណ្ឌូនេស៊ី មានគោលបំណងជំរុញកិច្ចសហប្រតិបត្តិការក្នុងវិស័យសំខាន់ៗ | កម្ពុជាហាមឃាតការនាំចូលសត្វពានៈ និងផលិតផលសាច់សត្វ​ពី​ប្រទេស​ថៃ​ជា​បណ្ដោះអាសន្ន ចំ​ពេល​មាន​ការ​ផ្ទុះ​ជំងឺ​ឈាមខ្មៅ ឬជំងឺអង់ត្រាក់លើសត្វពាហនៈ | កម្ពុជា​ចុះ​​ប្រហុកសៀមរាបជាម៉ាកសម្គាល់ភូមិសាស្ត្រទំនិញដើម្បីលើកកម្ពស់ផលិតផលធ្វើម្ហូបបែបប្រពៃណីខ្មែរ |
ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | សម្តេចតេជោ ហ៊ុន សែន ជំរុញ​កិច្ច​សហប្រតិបត្តិការ​អាស៊ាន​ឲ្យ​កាន់​តែ​ខ្លាំង​ចំ​ពេល​មាន​បញ្ហា​ប្រឈម​ជា​សាកល | កម្ពុជា និងឥណ្ឌូនេស៊ី មានគោលបំណងជំរុញកិច្ចសហប្រតិបត្តិការក្នុងវិស័យសំខាន់ៗ | កម្ពុជាហាមឃាតការនាំចូលសត្វពានៈ និងផលិតផលសាច់សត្វ​ពី​ប្រទេស​ថៃ​ជា​បណ្ដោះអាសន្ន ចំ​ពេល​មាន​ការ​ផ្ទុះ​ជំងឺ​ឈាមខ្មៅ ឬជំងឺអង់ត្រាក់លើសត្វពាហនៈ | កម្ពុជា​ចុះ​​ប្រហុកសៀមរាបជាម៉ាកសម្គាល់ភូមិសាស្ត្រទំនិញដើម្បីលើកកម្ពស់ផលិតផលធ្វើម្ហូបបែបប្រពៃណីខ្មែរ |

រាជរដ្ឋាភិបាលត្រៀមថវិកា ១០០លានដុល្លារដើម្បីទប់ស្កាត់ការដំឡើងតម្លៃអគ្គិសនីនៅកម្ពុជា

  • ចុះផ្សាយថ្ងៃទី៣០ ខែវិច្ឆិកា ឆ្នាំ២០២៣ ម៉ោង ១១:៤៥ នាទី ដោយ Sao SokEng
  • 2321
  Aa |   aA

ភ្នំពេញ៖ នាយករដ្ឋមន្ត្រីកម្ពុជា សម្តេចមហាបវរធិបតី ហ៊ុន ម៉ាណែត បានបញ្ជាក់ឱ្យដឹងថា រាជរដ្ឋាភិបាលកម្ពុជាបានត្រៀមថវិកា ១០០លានដុល្លារសម្រាប់ធានាតម្លៃអគ្គិសនីមិនឱ្យឡើងថ្លៃ។

សម្តេចធិបតី បានលើកឡើងថា រដ្ឋត្រៀមខាតថវិកា ១០០លានដុល្លារនេះ ពោលដើម្បីធ្វើយ៉ាងណាឱ្យប្រជាពលរដ្ឋអាចប្រើប្រាស់ភ្លើងក្នុងតម្លៃថោក ខណៈជារៀងរាល់ឆ្នាំតាមបណ្តាប្រទេសគឺសុទ្ធតែដំឡើងថ្លៃអគ្គិសនី ប៉ុន្តែកម្ពុជាសុខចិត្តរក្សាតម្លៃដដែល។

សម្តេចធិបតី អះអាងថា គោលបំណងរបស់រាជរដ្ឋាភិបាលគឺដើម្បីជួយសម្រួលជីវភាពពលរដ្ឋកុំឱ្យមានការលំបាក និងជួយរក្សាលំនឹងការអភិវឌ្ឍ និងស្ថេរភាពសេដ្ឋកិច្ចកម្ពុជាតាមវិស័យផ្សេងៗ។

ក្នុងពិធី “បិទស្ទឹងសាងសង់ទំនប់វារីអគ្គិសនីតាតៃលើ អានុភាព ១៥០មេហ្គាវ៉ាត់” ស្ថិតនៅក្នុងស្រុកថ្មបាំង ខេត្តកោះកុង សម្តេចធិបតីថ្លែងដូច្នេះថា៖«រដ្ឋអត់ចំណេញទេ ក្នុងប៉ុន្មានឆ្នាំនេះរដ្ឋខាត ឆ្នាំនេះយើងគ្រោងខាត ១០០លានដុល្លារសម្រាប់ឧបត្ថម្ភធុន គឺសម្រាប់ទប់ថ្លៃភ្លើងសម្រាប់ឱ្យប្រជាពលរដ្ឋប្រើប្រាស់ក្នុងតម្លៃទាប»។

សម្តេចធិបតី បានគូសបញ្ជាក់ថា រាជរដ្ឋាភិបាលបានសម្រេចបញ្ចុះតម្លៃអគ្គិសនីសម្រាប់វិស័យកសិកម្មរយៈពេល៣ខែកន្លងមក ហើយគ្រោងនឹងបញ្ចុះតម្លៃអគ្គិសនីដល់វិស័យទេសចរណ៍បន្ថែមទៀត។

សម្តេចនាយករដ្ឋមន្ត្រីបានជំរុញឱ្យក្រសួងរ៉ែ និងថាមពលត្រូវតបណ្តោញអគ្គិសនីឱ្យដល់គ្រប់តំបន់ភូមិឃុំស្រុកឱ្យរួចរាល់មុនឆ្នាំ២០៣០។

សម្តេចនាយករដ្ឋមន្ត្រីបានរំលឹកថា កាលពីឆ្នាំ១៩៩៨ កម្ពុជាអាចផ្គត់ផ្គង់អគ្គិសនីដល់ពលរដ្ឋតែ ១៥០មេហ្គាវ៉ាត់ប៉ុណ្ណោះ ខណៈបច្ចុប្បន្នកម្ពុជាមានសមត្ថភាពអាចផ្គត់ផ្គង់អគ្គិសនីនៅទូទាំងប្រទេសបានជាង ៤ ០០០មេហ្គាវ៉ាត់៕


ព័ត៌មានជាច្រើនទៀតសម្រាប់អ្នក